Sa pamamagitan ng Pamahalaang Panlalawigan ng Camarines Norte sa ilalim ng pamumuno nina Governor Ricarte “Dong” Padilla at Vice Governor Joseph Ascutia, at sa tulong ng Provincial Social Welfare and Development Office at Persons with Disabilities Office, isinagawa ang fitting at distribusyon ng leg prosthesis para sa labing limang (15) PWDS mula sa iba’t ibang munisipalidad ng Camarines Norte nitong ika-10 ng Oktubre, 2024 sa Provincial Capitol Grounds.

Ang nasabing programa ay pinangunahan nina Ms. Cynthia R. Dela Cruz (PSWDO Officer) at Mr. Rex Bernardo (PDAO Officer). Lubos na kagalakan at pasasalamat ang ipinaaabot ng mga benepisyaryo dahil sa malaking tulong ito sa pang araw-araw na buhay ng mga indibidwal at isa ring kaginhawaan sa kanilang paglalakad. Ito ay isang patunay na ang Pamahalaang Panlalawigan ay hindi tumitigil na maghandog ng kapaki-pakinabang na mga programa para sa bawat mamamayan ng Camarines Norte.

#AlaysaDiyosAlaysaBayan