Matapos ang pagsasagawa ng regular na Flag Raising Ceremony sa Kapitolyo ay kasabay ring ginanap ang Awarding at Distribution ng Fishing Boat with Marine Engine at Seaweed Farm Implements kaugnay ng pagdiriwang ng Farmers and Fisherfolks Week nitong ika-4 ng Mayo, 2026 sa Provincial Capitol Grounds, Daet, Camarines Norte.

14 na mga lokal na CamNorteñong mangingisda ang tumanggap ng tig-iisang 18-footer Fiberglass Fishing Boat na may kasamang Marine Engine at kumpletong aksesorya, ang inisyatibo ay suporta sa kabuhayan at proyekto sa mga mangingisdang naapektuhan ng mga nagdaanang sakuna at kalamidad.

 

Ang mga mangingisdang tumanggap ng benepisyo ay sumailalim at natapos din ang limang araw na pagsasanay tungkol sa Fiberglass Boat Fabrication sa ilalim ng programa ng kapitolyo na Banca Mo, Gawa Mo Program.

Samantala, 25 namang benepisyaryo ang tumanggap ng Seaweed Farm Implements kabilang ang Planting Materials, Support and Structure Materials, Farm Setup Tools, Maintenance Tools hanggang sa Harvesting and post-harvest process.

 

Ang pamamahagi at pag-aaward ng mga Fisherfolk Inputs ay pinangunahan ng Provincial Government of Camarines Norte sa pangunguna ni Governor Ricarte “Dong” Padilla at Vice Governor Engr. Joseph Ascutia sa pamamagitan ng Office of the Provincial Agriculturist (OPAg) na pinamumunuan ni Engr. Almirante Abad katuwang si Ms. Melinda Jerez – Supervising Aquaculturist ng OPAg FDD, Mr. Benedicto Palmares, Pangulo ng Provincial Fishery and Agriculture Council (PAFC) at Engr. Victor Zabala kinatawan ni Vice Governor Ascutia.

 

Ang mga kagamitang pam-pangingisda at pangkabuhayan ay lubos na ipinagpapasalamat ng mga mangingisda at fisherfolks na mga benepisyaryo. Ang Pamahalaaang Panlalawigan ng Camarines Norte sa pamunuan ng Padilla-Ascutia Administration ay patuloy na isusulong ang mga programa at proyektong makakatulong sa ating mga kababayang mangingisda at nasa sektor ng pangisdaan.