- Details
- Category: News and Information
- Hits: 338
The newest attraction in our provincial capitol grounds has been finally switched on for every Cam Norteños to see! The ceremonial opening happened this early evening which was graced by the presence of no less than our dearest governor Dong Padilla who invited everyone to visit our people's park and enjoy it's new sights and sceneries. Excellent performances from Tanghal Kulturang Cam Norteño (Chorale & Dance Troupe) and the Aspirants Drum & Lyre Corps entertained our guests and general public during the short program.
So what are you waiting for? Drop by our freedom park and take a photo of our picturesque fountain and our iconic capitol building. More reasons to Love Cam Norte!
Credits to: https://www.facebook.com/GoCamNorte
- Details
- Category: News and Information
- Hits: 473
Habang patuloy na tinatrabaho ng Pamahalaang Panlalawigan ang pangako nitong ilapit ang gobyerno sa tao at sa lahat ng sulok ng probinsya kalakip ang iba’t-ibang tulong, agapay at serbisyo, isang magandang balita ang nasaksihan ng Camarines Norte na siyang palatandaang patuloy na pinatutunayan ang kaganapan ng mga pangitain at pangarap ng kasalukuyang administrasyong Padilla-Ascutia.
Nitong ika-4 ng Setyembre 2023, ay pormal nang ipinagkaloob ang labing-isang (11) Barangay Emergency Rescue Vehicles sa mga opisyales ng mga barangay na unang makatatanggap ng biyayang sasakyan mula sa Provincial Government of Camarines Norte. Kasabay ng flag raising at pagbubukas na ng ika-123 Anibersaryo ng Philippine Civil Service nitong Lunes ay isinabay na ang pagpapabasbas at distribusyon ng mga sasakyan. Pinangunahan nina Gobernador Ricarte “Dong” R. Padilla at Bise Gobernador Joseph V. Ascutia ang pamamahagi ng mga sasakyan.
Kabilang sa mga napagkalooban ng unang batch ng mga Rescue Vehicle ay ang mga sumusunod na barangay:
1. Brgy. Maisog, San Lorenzo Ruiz
2. Brgy. Guinatungan, Basud
3. Brgy. San Jose, Talisay
4. Brgy. III, Mercedes
5. Brgy. Osmeña, Jose Panganiban
6. Brgy. San Pedro, Jose Panganiban
7. Brgy. Ubang, Capalonga
8. Brgy. Tabugon, Santa Elena
9. Brgy. Camambugan, Daet
10. Brgy. Fundado, Labo
11. Brgy. Malangcao-Basud, Labo
Bahagi ng pagbibigay ng rescue vehicles ay ang kasunduan ng Pamahalaang Panlalawigan sa mga barangay na tumanggap na sila’y sasailalim sa serye ng mga training o pagsasanay upang ang mga barangay ay magkaroon ng sariling rescue team na siya namang pangunahing pangangailangan sa mga rescue vehicles na kanilang tinanggap. Ang mga training ay isasagawa ng Provincial Disaster Risk Reduction and Management Office (PDRRMO). Ang ganitong kasunduan ay bunga ng hangaring mas mapabilis ang pagreresponde sa mga emergency o sakuna, makatutulong ito pangunahin sa pagsasalba ng buhay ng ating mga kababayan nangangailangan ng agarang atensyong medikal at iba pa.
Sa pagbibigay mensahe ni Gobernador Dong sa aktibidad, aniya, “ang mga sasakyang ito ay hindi pag-aari ni Dong, hindi pag-aari ni Joseph, lalong hindi pag-aari ni kapitan. Ito po ay pag-aari ng taumbayan na dapat maglingkod sa bawat mamamayan, regardless of their political inclination. Hindi kailangan na ang mga gagamit nito ay ang mga bumoto at sumuporta lang kay kapitan. Ito ay bukas sa lahat ng mamamayan ng barangay lalo na sa panahon ng pangangailangan”. Dagdag pa niya ang nakatutuwang mensahe na asahan umano na mas marami pang barangay ang susunod na mabibigyan ng mga dekalidad na Barangay Emergency Vehicles.
Binigyang-diin ni Gobernador Dong na ang ginawa nilang batayan ni Bise Gobernador Joseph sa pagpili ng mga benepisyaryo ng Barangay Emergency Vehicles ay base umano sa pangangailangan at hindi sa kulay ng politika. Nakiusap rin ang gobernador na alagaan, pagmalasakitan ang nasabing mga sasakyan at ipagamit lagi’t lagi sa mga nangangailangan.
Sa aktibidad na naganap, lubos na mababatid ang pasasalamat ng mga Barangay Council na tumanggap sa kung gaano kalaking tulong ito sa kani-kanilang mga pamayana’t komunidad. Maaasahan naman ang katuparan ng pangako nina Gobernador Dong, Bise Gobernador Joseph at ng buong Pamahalaang Panlalawigan na umpisa pa lamang ang mga ito ng paghahatid ng mga mabisa, dekalidad at tunay na kapaki-pakinabang na mga proyekto’t serbisyo.
Credits to: https://www.facebook.com/piocamnorte
- Details
- Category: News and Information
- Hits: 462
Bahagi ng nagpapatuloy na Provincial Government High School Education Assistance Program ay isinagawa ang Distribution of Financial Assistance to Grade 7 Students (Public and Private High School), nitong ika-10 ng Agosto 2023, sa Barangay Tulay na Lupa Covered Court at Municipal Convention Hall sa bayan ng Labo.
Sa hangaring suportahan ang sektor ng edukasyon at kinabukasan ng mga Camnorteñong Kabataan, ang Pamahalaang Panlalawigan ng Camarines Norte sa pangunguna ng tambalang Padilla-Ascutia ay lagi't laging isinasaalang-alang ang pangangailangan, pagyabong at kagalingan ng bawat mamamayan ng lalawigan.
Credits to: https://www.facebook.com/piocamnorte
- Details
- Category: News and Information
- Hits: 572
Nagsagawa ng Site Assessment and Validation ang Panlalawigang Tanggapan ng Turismo ng Camarines Norte katuwang ang Pambayang Tanggapan ng Turismo ng Santa Elena sa Sitio Paraiso, Brgy. Rizal, Santa Elena, Camarines Norte kung saan matatagpuan ang Busay Falls and Pools na isang eco-tourism destination upang alamin ang mga posibleng proyekto at programa na maaring gawin para sa lalong pag develop at pagpapakilala ang nasambit na lugar.
Sa loob lamang ng limang minutong paglalakad mula sa National Highway at bente pesos (20 php) na entrance fee ay mararating mo na agad ang lugar na ito. Ito ay pinangangasiwaan ng Mt. Cadig Development Association Inc. o MCDAI na binuo upang mapanatili at kalinisan at kaayusan sa atraksyong ito. Sa unti unting naipon at nakolekta ng grupo ay nakapagawa na ito ng maayos na "trail" o daanan upang mas madali ang pagpunta ng kanilang mga bisita. Ang dalawang talon na matatagpuan dito ay tiyak na magbibigay ng ginhawa at kasiyahan dahil sa malinis, malamig at preskong tubig na taglay nito. Mayroong din silang swimming pools na pwedeng alternatibong liguan at kubo na maaring rentahan ng mga ekskorsyonista. Nasa plano ng grupo sa hinaharap na maglagay ng dagdag na pasilidad at amenities upang mas lalong makilala at maipakita ang angking ganda ng busay sa mas nakakarami. Sa mga nais bumisita, makipag ugnayan lamang sa kanilang Presidente na si Ginang Anabel Orendain Gutierrez sa kanyang facebook account.
Malugod ang aming pasasalamat sa Pamahalaang Bayan ng Santa Elena sa pamumuno ni Kagalang galang na Punong Bayan Dina Borja, Tanggapan ng Turismo ng Santa Elena sa pangunguna ni Bb. Sy Borja, Punong Barangay Roberto C. Tierra at sa mga kasapi at miyembro ng MCDAI sa pangunguna ng kanilang Presidente na si Ginang Annabel Gutierrez sa kanilang mainit na pagtanggap at pag asikaso sa aming ginawang aktibidad.
Credits to: https://www.facebook.com/GoCamNorte
- Details
- Category: News and Information
- Hits: 669
In solidarity with the National Disaster Resilience Month spearheaded by the Provincial Government of Camarines Norte through the Provincial Disaster Risk Reduction Management Office, the Provincial Tourism Operations Office took part on the Provincewide Simultaneous Clean Up Drive along the shores of Bagasbas Beach held this Friday morning in our continuous effort in promoting awareness of protecting our coastlines and our environment for a more disaster resilient community. This worthwhile activity was graced by the presence of Hon. Vice Governor Engr. Joseph Villaverde Ascutia, Provincial Government Employees, Schools, Private Institutions, various Municipal LGU Employees and Non Government Organizations.
Credits to: https://www.facebook.com/GoCamNorte
